(1967) Chano Castañón

link

Manexar una pluma, ye mover
con la mano un manguilleru,
y dir sacando al correr
del corazón y el tinteru
tó lo que dientro llevamos
agarrau al corazón:
los refranes asturianos,
coses del xuegu el balón,
cuentos de los pescadores
d'un bon barriu xixonés;
playes, montañes, amores
vida que al mirar non ve
pos tá medio tapaína
per un escuru telón
fasta quita-i la neblina,
con sos llibros, Castañón
Lluciano o Chano, yo entiendo
non ye'l nome la presona:
que 'sti playu ye escribiendo...
¡mayor que la mareona!